Skip to content Skip to main navigation Skip to footer

EUSKADIKO TRAINERU TXAPELKETA 2022

2022ko uztailaren 25ean, Euskadiko traineru txapelketa jokatu zen Lekeitioko uretan. Beteranoen kategorian, Getxoko Arriluze arraun klubak irabazi zuen, helmugan 10: 58.61 denbora lortu ondoren, zegokion handicap aplikatu ostean. Fortuna arraun taldeak lortu zuen bigarren postua, 11:21.82 denborarekin; hirugarren postua Mundakarako izan zen, helmugan 11:33.17ko denborarekin.

Emakumezko maila absolutuan Arraun Lagunak taldeko neskak izan ziren helmugan denborarik onena egin zutenak, bigarren txandan aritu ziren Oriotarrei 17 segundoko aldea ateraz. Donostiarrek Ikurriña eskuratu zuten 11:20.88ko denbora eginda, Oriok 11:38.24ko denbora egin zuen eta brontzezko domina 11:42.27an helmugaratu ziren Hondarribiako arraunlarientzat izan zen.

Gizonezkoen kategoriari dagokionez, Bermeoko arraunlariek, estropada handi baten ostean, urrezko domina eta ikurrina irabazi zituzten, helmugan 20: 55.22 denbora markatu ondoren. Orioko eskifaiak, berriz, lehenengo txanda irabazi ondoren, 21: 13.39 denborarekin zilarrezko domina eskuratu zuen, Donostiarrari hamahiru segundotan irabazi ondoren, Donostiarrako mutilak bigarren izanda bere txandan, azkenik, brontzezko dominar lortu zuten, helmugan 21: 26.62 denbora markatu ondoren.

ARG.: Bermeo Arraun argazkiak